ŞƏHİDİN ŞƏHİDLİK ZİRVƏSİ

Zaur İsmayılzadə 1995-ci il iyulun 29-da Lənkəran rayonunun İstisu qəsəbəsində anadan olmuşdur. 2001-2012-ci illərdə Şəhid Vüqar Məmmədov adına Cəlilabad rayon Göytəpə şəhər tam orta məktəbində təhsil almışdır.

2016-cı il aprelin 1-dən 2-nə ötən gecədən başlayaraq Azərbaycan və Ermənistan Silahlı Qüvvələrinin bölmələri arasında cəbhənin Tərtər və Cəbrayıl-Füzuli istiqamətlərində şiddətli döyüşlər başlamışdır. Tarixə Aprel döyüşləri olaraq yazılan döyüşlər zamanı Zaur İsmayılzadə Azərbaycan Xüsusi Təyinatlı Qüvvələrinin sıralarında hərbi qulluqçu olaraq savaşmışdır. Gecə döyüşləri zamanı Cəbrayıl rayonunun Lələtəpə istiqamətində olan əlverişli mövqelər, strateji nöqtələr, o cümlədən Lələtəpə zirvəsi Azərbaycan Ordusu tərəfindən işğaldan azad olunmuşdur. Həmin döyüşlərdə Ermənistanın müdafiə naziri Seyran Ohanyan tərəfindən qurulan və Ermənistan Ordusunun "yenilməz Ohanyan xətti" olaraq tanınan müdafiə xətti 40 dəqiqə ərzində darmadağın edilmişdir.

Zaur İsmayılzadə döyüş gedişatında ağır yaralanmışdır və səhhətində problemlər yarandığı üçün 2017-ci ildə ordudan tərxis olunmuşdur.

27 sentyabr 2020-ci ildə İkinci Qarabağ müharibəsi başlamış və Azərbaycanda səfərbərlik elan edilmişdir. Beləliklə, Zaur İsmayılzadə səfərbər olunmuş, 29 sentyabr 2020-ci ildə könüllü olaraq ordu sıralarında qaytımışdır.


Azərbaycan Ordusunun əsgəri olan Zaur İsmayılzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsində könüllü olaraq sentyabrın 29-dan iştirak etmişdir. Füzulinin azadlığı uğrunda gedən döyüşlərdə vuruşmuşdur. Zaur İsmayılzadə oktyabrın 9-da Füzuli rayonu istiqamətində döyüş tapşırığının yerinə yetirilməsi zamanı həlak olmuşdur. Lənkəran rayonunda dəfn olunmuşdur.



Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Zaur İsmayılzadə ölümündən sonra "Vətən uğrunda" medalı ilə təltif edildi.

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Zaur İsmayılzadə ölümündən sonra "Füzulinin azad olunmasına görə" medalı ilə təltif edildi.

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Zaur İsmayılzadə ölümündən sonra "Cəsur döyüşçü" medalı ilə təltif edildi.

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 05.11.2021-ci il tarixli Sərəncamına əsasən Zaur İsmayılzadə ölümündən sonra "Şuşanın azad olunmasına görə" medalı ilə təltif edildi.


Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Zaur İsmayılzadə Azərbaycan Prezidenti İlham Əliyevin 05.11.2022-ci il tarixli Sərəncamına əsasən ölümündən sonra 3-cü dərəcəli "Vətənə xidmətə görə" ordeni ilə təltif edilmişdir.



Anasının Zaurla bağlı xatirələrindən: Zaur nənəsinin qulağındakı küpəldən çox xoşu gəlirdi. Elə hey deyirdi nənə bunu mənə ver. Nənəsi də nəvəsinin sözünü iki eləmir.



Zaurun anası Sevil xanıma verib deyir: Al bu küpələri və bir də Azərbaycan xanımlarının örpəyi olan, məhs Azərbaycan mədəniyyətinin sinvolu olan "Kəlağayı" verir nəvəmə gəlin gətirəndə mənim adımdan Zaurun yoldaşına verərsən. Nə nənəyə qismət olmadı nəvə toyu görmək, nə də illərini dövlətə qulluq edən Sevil anaya qismət olmadı oğlunun toyunu görmək. Sevil ana ömrünün çox hissəsini
Vətənə xidmət edərək keçirdib. O,uzun müddət " n" saylı H.H-də "tibb bacısı" vəzifəsində xidmət edib. Zaur yaralanarkən məni anama çatdırın deyib. Hər kəsin yarasəna məlhəm olan Sevil ana oğlunun yarasəna məlhəm olanmayıb. Çünki Allah Zaurun qəlbindıki Şəhidlik eşqinin şahidi olub və Zauru Şəhidlik zirvəsinə ucaldıb,Peyğənbərə qonşu edib. 2023-cü il Zaurun mövludunda anası Sevil ana Mirvari Dilbazi poeziya adına "Kalağayı Ev Muzeyi" nin direktoru Gülü xanıma onu təqdim edir. Artıq Şəhimizin xatirısi muzeylərdə yaşanacaq.
Güllü xanımla tədbirin sonunda həmsöhbət əsnasında dediklərini olduğu kimi yazıram: Bu günə qədər mənə çox Kalağayı hədiyyə edən olub. Ancaq bu qədər nə duyğulanmamışdım, nə də bu qədər qururlanmamışdım.