"AZƏRBAYCAN QƏHRƏMANLAR DİYARI" AĞACAVAD MÜTƏLLİMZADƏ

"RADIOFM.az" AZƏRBAYCAN QƏHRƏMANLAR DİYARIDIR SİLSİLƏSİNDƏN ŞƏHİD CAVADXAN MÜTƏLLİMZADƏNİN EVİNİ ZİYARƏT ETDİ.
Mütəllimzadə Nailə Loğman qızı. Şəhid Kəşviyyatçı Ağacavad Mütəllimovun anası. Ağacavad 1997-ci il Avqusdun 14- də anadan olub.
Ağacavad çox zəhmətkeş uşaq idi. 10 yaşından incil yığib satırdı. Özünə iş tapırdı. Nə işi olursa olsun atasına kömək eləmək isdəyirdi. Evə kömək eləmək isdəyirdi. Onun bir arzusu var idi məni xanım eləsin. Bilmirəm bu arzu ona hardan, nədən irəli gəlirdi. Biz əslində kasıb bir ailə olmuşuq.
Çox əziyyət çəkmişik. Bəlkə də bilmirəm bundan irəli gəlib. Müharibə başlamazdan əvvəl elə hey deyrdi ki ana az qalıb, bir- iki ildə səbr elə mən səni xanım edəcəm. Bunun üsdündə yaman dayannmışdı. Elə tez- tez də deyirdi. O, bunu bacardı. Dediyini elədi. Düzdü o məni xanım elədi. Amma mənə ağır başa gəldi.

Ağacavad haqınnda xatirə danışmasını istəyən də dərində ah çəkməsi məni doğrudanda utandırdı. Əslində bilirəm ki, şərəfli yolda addımlayıram. Mən Vətənimin qeyrətli, cəsur, düşmənin gözünə qorxmadan baxan, nə qədər güllələnsələrdə yerə çökməyən igidlərimizin cəsarətlərini yazmaqdan qürur hissi duyuram. Lakin buna baxmayaraq hardasa anaların ah çəkməsindən evladının həsrətində olmasını deməsidi.

Ağacavadı sağlamlığı ilə əlaqəli olaraq əsgər aparmırdılar. Əslində mən də isdəmirdim, deyirdim ki aparmırlarsa dahada yaxşı. Amma gedib danışıbmış deyiblərki valideyinlərindən biri gəlsin razılıq ərizəsinə imza atsın. Atası getmədi məndən xaiş elədi ki sən get. Mən də getmək isdəmədim. Bir gün gəldi ki -ana səndən bir xaişim var.
-Dedim, buyur nədi xaişin?
-dedi sual vermə komisarlığa gedək. Getdim. inanın ki, Hərbi Komisarlığın qapısından girəndə çöndü mənə baxdı. İnanmıdı ki mən gedərəm , razılıq ərizəsinə imza ataram. Yenədə məndən xaiş elədiki imza atarsan. Razılığını bildirərsən. Geldİk, içəri keçdik, dedilər sizin oğlunuz bu səbəbdən əsgər gedə bilməz. amma valideyinin gərək icazəsi ola ki biz göndərə bilək. Mən ərizəni oxudum imza çəkdim. Və o çox sevinirdi. Ağacavad əsgər getdi. Yəni ən azından əsgər getmək, xidmət eləmək, arzusu idi. Buna nail oldu.

Ağacavad zirvə aşiqi idi. Hündürlükləri sevirdi. Şəkillərdə bunu görmək olar. O zirvəni mənə belə deyirdi:- ana siz buludları aşağıdan yuxarı baxırsınız amma biz yuxarıdan aşağı baxırıq. Buludlar bizim ayağımızın altındadı. O qədər danışırdı zirvəlikdən ki, zirvəni cənnət hesab edirdi . Nədənsə torpaqların alınacağından əmin idi. Deyərdim ki bəlkədə ən böyük arzuların biri idi torpaqların alınmasında özünündə əməyi olsun və həqiqətəndə arzusuna çatdı. Bizim evdə 3 oğul büyüyürdü. Onların ataları əsil kişi xasiyyətdə böyüdürdü. Ona görədə müharibə başlayanda mənim oğlanlarım könüldü yazıldılar. Əslində müharibənin başlanmasında çox pis oldum. Mən bilirdim ki mən desəmdə- deməsəmdə Ağacavad gedəcək. Fikirləşirdim ki, desəm nə deyəcək, deməsəm necə olacaq. Müharibə başlayanda 23 il böyütdüyüm oğulu mən tanımadım. Kinlə qalxdı yerindən. Gözlərində ki, o nifrəti görərdiniz.... Heç vaxd sözümdən çıxmayan oğul, məsləhətsiz iş görməyən oğul tam başqa birisinə dönmüşdü. Qaça - qaça necə getdisə..... elə bilki birdən torpaqları alarlar buna qalmaz. Bax Ağacavad elə qaçdı.

Bu cümlənin çox dərin mənası var. Yəni baxıram ki. ölümünə deyil şəhadət zirvəsinə yüksəlməyə qaçaraq gedibmiş. Və torpaqların alınmasında payının olmasını özünə borc bilibmiş..... Ruhun şad olsun Ağacavad! Bu torpaqların alınmasında sənin də payın oldu. Əminəm ruhun rahatdı.

Mən İsmayıla zəng elədim, dedi: -ana narahat olma gəlirəm. Mən onu geri qaytararam. İsmayıl gəldi o da hərbi biletini götürdü getdi. Gördüm ki, bunlar məni dinləmirlər. Bildim ki mənə çox çətin olacaq. Tez atalarına yığdım atalarıda dedi evə gəlim danışarıq. Ataları da gəlib məni danladı. Mənə acıqlandı ki, sən məndən nə istəyirsən? Mən 3 oğul atasıyam! Oğlanlarımı gizlətməyimi isdəyirsən? Sən məni nə hesab edirsən? Bəs oğul nə üçündü? Bu Vətəni kim qorumalıdı? Kim döyüşməlidi? Ağacavada ancaq bir söz dedi yola salanda. Sinən olan yerdə kürəyivi düşmən gülləsinə verməyəsən Oğul! Heç kürəyindən yara alsan səni oğul bilmərəm!

Mən sizə bir söz deyim ki, əslində elini obasını isdəməyən, sevməyən adam heç vaxd Vətənini sevə bilməz. Ağacavad kəndini çox sevirdi, elə bütün günü kəndini tərifləyirdi. Mən Ağacavadın kəndimizə olan sevgisini Ağacavadın şəhid xəbərindən sonra analadım. Niyə görə o bu kəndi bu qədər sevirdi. Çıxdım ki, küçə adamla doludu. Və səhərə qədər onlar küçədə şəhidini gözlədilər.

- Anacan heç olub mu ki, Ağacavadın ölümündən sonra hansı hadisə ilə rasdlaşmısınız və demisiniz ki Ağacavad burda idi.
-Ağacavad şəhid olan ili bizə camaat tez- tez gəlirdi. Mənim acığıma gəlirdi. Əsəbləşirdim. Qəbullananmırdım. Deyirlər ki yeri cənnətdi.O cümləni eşitmək isdəmirdim. Çox Əsəbimə toxunurdu. Deyirdim mənim oğlum gedib bunların dediyinə baxe yeri cənnətdi. Cənnətin mübarək deyirdilər. Bu cümlələr mənə çox toxununurdu.
Bir dəfə bir hadisə baş vermişdi. Mən dərziyəm. Ağacavadın ölümündən 3 ay sonra əlimdə qayçı parçanı kəsdiyim yerdə gözəl bir qoxu gəldi. Oğlumun biri ətiri çox vurandı. Elə bildim ki, yenədə o ətiri çox vurub. Çıxdım gördüm heçkim yoxdu. Ətrin iyi getdikcə çoxalırdı. Təsəvvirinizə gətirin ki, o qoxunu
mən gözümlə axtarıram. Mən onda anladım ki bu cənnət qoxusudu. Bu mənim oğlumun qoxusudur. Onnan sonra bildim ki şəhidlərin yeri həqiqətən də cənnətdi.
Ağacavad kəşviyyatçı olub. Məxvi söhbət olduğuna görə evladımı itirmiş də olsam kəşviyyatda sağ qalan oğullarımızı təhlükə yaratmamaq səbəbdən üstü örtülü danışmaq isdəyirəm. Yəqin məni də anlayarsınız. Bir gün bunlara gizli bir görəv verilir. O görəvi yerinə yetirdikdən sonra birbaşa Prezident tərəfəndən zəng gəlir ki, həmin yerin yanında çox yüksək bir yer var ora gedilməlidi. Soruşub komandiri kim gedə bilər. Ağacavad tez irəliyə addımlayıb mən gedə bilərəm deyib. Orada elə yer imiş ki, onu indi yanındakılar bilir ora gedən sağ qayıtmamaq ehtimalı çoxdu. Dumana da düşə biərsən. Yəni təhlükəli yerdi. Ağacavaddan sonra iki nəfərdə qabağa çıxır. Bunu onunla əsgərlikdə olan oğullardan biri danışırdı . Erməninin arasına girmək hər adamın cəsarəti deyil. Yəni bilirsiniz necədi qızım əsr düşmək söhbətidə var. Üç gün Ağacavadgil orda qalırlar, əməlyatı yerinə keçirirlər və sağ- salamat geri qayıdırlar. Bu hadisədən sonra Ağacavada "Hinal Qartalı" adı verlir. Əsgərikdə bu əməlyatına görə ona prizident "Fəxri Diplom" verir. Söhbət hələ əsgərlidən gedir.
Ancaq mən bir dəfə Ağacavadın telefona baxanda gördüm ki, hamı yazıb paylaşıb Allah sənə rəhmət eləsin Hinal Qartalı. Məndə həmin adama yazdımki bunu niyə belə paylaşmısınız? Hinal Qartalının anlamını bilmirdim. -Dedi ki, Ağacavadın xidmət elədiyi zirvə Hinal zirvəsidi, o zirvəni çox yaxşı bilirdi, yaxşı tanıdığına görə və bir ağir əməlyatdan sonra Ağacavada biz o adı vermişdik.

Ağacavad bu evin içində hamımızı yola verdi. Səfərbərlikdən əvvəl birdə gördüm əmisi zəng edir, bəs Ağacavadı Hərbi komissarlıqdan axtarırlar. Polad Həşimov Hinal zirvəsinin ətrafında şəhid olub. Axı Ağacavadda oraları əzbər bilir. Nə mənim telefonum susur nə əmisinin. Özünündə telefonu evdədi, o telefon da susmur. Özü də bir əmiisinə də zəng eleməyiblər. durmadan hamısına zəng edirlər ki, təcili Ağacavad gəlməlidi. Dedim ki qardaşıyla işləyir,
qardaşına zəng edin. Amma nə olub, nə məsələdi, anasıyam da bilməliyəm. Mənə də deyin. heçnə demədilər. Ağacavadla nə danışdılar , nə danışmadılar bilmirəm yalan deyərəm, biz bu gün ki günə qədər də hələdə bilmirik ki, onlar nə danışdılar. Polad Həşimovun şəhid xəbəri isə axşama yayıldı. Yəni Kəşviyyat bölüyüynün hamısına zəng edilib çağrılmışdılar. Ondan sonra millət ayağa qalxdı. Səfərbərlik oldu.
Əvvəllər ağr olsada, qəbullanmasamda indi deyirəm ki, elə atası düz deyirdi: Oğul nə üçündü, Vətəni kim qorumalı idi. Oğlumla fəxr edirəm.

Maştağa qəsəbəsində yaşayan qazilərimiz Nailə anamızı tez- tez ziyarət edirlər. Bu gün də Anamızın ziyarətinə elə birlikdə getdik. Həm anamızın dərdini dinlədik. Bir az da varsa güldürməyə çalışdıq. Nailə anamız oğlunun ölümündən sonra telefonunu araşdırıb. Və kimə rəy yazıb, nə paylaşım edib o sözləri afişa kimi çıxartmışdı. Baxıram ki, hamısı da Vətəndən bəhs edilib. Nailə anamızda bütün şəhid anaları kimi oğlunun işlətdiyi əşyalarını qoruyub saxlayır. Bir sözlə evini muzeya döndərib.
Şəhidimizin adına bulaq açılıb. Şəhidimizin xatirəsinə senaryosu Mehriban Sadıqovaya aid olan, rejisoru Anar İslam olan "Hinal Qartalı" sənədli filimi çəkilib, Nizamı kinoteatrnda təqdim olunub.
Ölumundən sonra "Vətən uğrunda", "Cəsur döyüşçü", "Xocavəndin azad olunmasına görə", "Zəngilanın azad olunmasına görə" medalları ilə təltif olunub.

Çəkilişdən bitdikdən sonra biz söhbətimizə davam elədik. Doğrudan da şəhidlərimizin taleyi eynidi. Allah şəhidlərimizi seçir. Allah şəhid qardaşlarımın ölümünü ən ali ölümlər siyahısına salır. Sizlərə çox borcluyuq. Nə qədər sizlərdən yazsaqda yenə az sayıram. Ruhun şad olsun Şəhidim!
QƏLƏMƏ ALDI: PİYALƏ BAYRAMQIZI